Despois da lectura do libro, haberá xuntanzas coa escritora na biblioteca.
PRAZO DE INSCRICIÓN DO 8 AO 12 DE MARZO, NA CONSERXERÍA
3 mar 2010
"Una música constante" de Vikram Seth
Michael Holme é un violinista novo de gran talento que renunciou á súa prometedora carreira como concertista e ao amor da súa vida.
O reencontro fortuíto con Julia, a pianista á que amou e perdeu dez anos atrás, levaralle descubrir que nunca hai unha segunda oportunidade...
¿Queres saber qué lles deparará o futuro? Ven á biblioteca a recoller o libro. Estaremos encantados de atenderte.
No que se refire á música que enlaza o camiño entre estes dous personaxes..., temos que dicir que é a banda sonora do Club de Lectura dos martes ás 19:00 h.
A idea de crear o Club de Lectura no Conservatorio Profesional de Música de Vigo, parte do entusiasmo dalgúns profesores, que, apoiados pola ANPA do centro, fomentan este proxecto dende o curso 2009/10.
O Club pretende promover e incentivar a lectura en xeral facendo que cada membro do grupo exprese a súa opinión nun ambiente de respeto e liberdade. Así como a creatividade mediante a creación de contos, poesías, etc.
Dado que o Club estará formado pola comunidade educativa do Conservatorio, unha das ideas principais deste club e escoller, por consenso, algúns dos mellores traballos feitos por eles e crear a música original.